ග්රීසියේ පැතිර යන දරුණු ලැව්ගිනි මැඩපැවැත්වීම සඳහා යුරෝපා සංගමයෙන් සහාය ඉල්ලා ඇති බව විදෙස් මාධ්ය වාර්තා කරයි. සතියකට ආසන්න කාලයක් පුරා මෙම ලැව්ගිනි වේගයෙන් පැතිර යමින් පවතින අතර, පවතින දැඩි සුළං තත්ත්වය ගින්න තවත් වේගවත් කර තිබේ.
විදෙස් මාධ්ය වාර්තා කර ඇත්තේ පසුගිය පැය 24ක කාලය තුළ හටගත් ගිනි ගැනීම් 52න් 44ක් පාලනය කිරීමට ගිනි නිවන භටයින් සමත් වී ඇති බවයි. කෙසේ වෙතත්, ලැව්ගිනි පැතිර යන ප්රදේශ ආශ්රිත ගම්මානවල පදිංචිකරුවන් වහාම ඉවත් කිරීමට පියවර ගෙන ඇති බව ග්රීසියේ මාධ්ය වාර්තා කරයි.
දැඩි සුළං හේතුවෙන් ලැව්ගිනි පැතිර යන ප්රදේශ ආශ්රිතව නිවාස සහ ගොඩනැගිලිවලට දැඩි හානි සිදුව ඇති අතර, ඇතැම් නිවාස සම්පූර්ණයෙන්ම ගිනිගෙන විනාශ වී ඇතැයි ද එරට මාධ්ය වාර්තා කර ඇත. තවද, මෙම ලැව්ගිනි හේතුවෙන් පුද්ගලයින් කිහිප දෙනෙකු තුවාල ලබා රෝහල් ගත කර ඇති බව ද වාර්තා වේ.
ග්රීසියේ පවතින අධික උණුසුම් කාලගුණය සහ දැඩි සුළං තත්ත්වය ලැව්ගිනි පැතිර යාමට ප්රධාන හේතු වී ඇති අතර, තත්ත්වය පාලනය කිරීම සඳහා එරට බලධාරීන් දැඩි වෙහෙසක් ගනිමින් සිටින බව වාර්තා වේ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
