ලංකා රාජ්ය ක්ලවුඩ් (LCG) පද්ධතියේ ඇති වූ තාක්ෂණික දෝෂයක් හේතුවෙන් බස්නාහිර පළාත හැර සෙසු පළාත්වල වාහන ආදායම් බලපත්ර (Revenue License) නිකුත් කිරීමේ කටයුතු අඩාල වී තිබේ.
මේ තත්ත්වය සැලකිල්ලට ගනිමින්, පොලිසිය රියැදුරන් සඳහා සහනයක් ලබා දීමට තීරණය කර ඇති බව පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් මහතා පවසයි.
පොලිස් මාධ්ය ප්රකාශකවරයා ප්රකාශ කළේ, LCG පද්ධතිය යථා තත්ත්වයට පත් වන තෙක්, වාහන ආදායම් බලපත්ර සම්බන්ධ නීතිය ක්රියාත්මක කිරීමේදී අවශ්ය සාධාරණ සහනය රියදුරන් වෙත ලබා දෙන ලෙස දිවයින පුරා පොලිස් නිලධාරීන් දැනුවත් කර ඇති බවයි.
ඒ අනුව, බස්නාහිර පළාත හැර සෙසු පළාත්වල වාහන ආදායම් බලපත්ර ලබා ගැනීම පමා වී සිටින රියැදුරන්ට එරෙහිව නීතිය ක්රියාත්මක කිරීමේදී ශ්රී ලංකා පොලිසිය ඔවුන්ට සහන සලසනු ඇති බව වැඩිදුරටත් සඳහන් වේ.
