මහනුවර සහ පේරාදෙණිය දුම්රිය ස්ථාන අතර ගිලාබැසීමට ලක්වූ දුම්රිය මාර්ගය අලුත්වැඩියා කිරීමෙන් පසු යළි ධාවනයට විවෘත කර ඇති බව දුම්රිය දෙපාර්තමේන්තුව නිවේදනය කරයි. පසුගිය දින කිහිපය තුළ මහනුවර ප්රදේශයට ඇදහැලුණු අධික වර්ෂාව හේතුවෙන් මෙම තත්ත්වය උද්ගතවී තිබුණි.
අලුත්වැඩියා කටයුතු අවසන් වීමෙන් පසු, මාර්ගයේ ආරක්ෂාව පරීක්ෂා කිරීම පිණිස අද (ජූනි 12) පෙරවරුවේ විශේෂ දුම්රියක් ධාවනය කෙරුණි. ඒ අනුව, කොළඹ කොටුවෙන් පෙරවරු 5.55ට බදුල්ල බලා පිටත් වූ “පොඩි මැණිකේ” දුම්රිය, අලුත්වැඩියා කළ ස්ථානයෙන් පෙරවරු 9.00ට පමණ සාර්ථකව ධාවනය කර මහනුවර වෙත ළඟා වී තිබේ.
කෙසේ වෙතත්, මෙම කොටසේදී දුම්රිය ධාවනය කිරීමේ වේගය සීමා කිරීමට දුම්රිය බලධාරීන් තීරණය කර ඇති බවද සඳහන්.
