තමන් ජනතා විමුක්ති පෙරමුණ නම් වූ සන්නාමයේ ගුණාංග නිර්මාණය කිරීම සඳහා ඓතිහාසිකව යම් භූමිකාවක් ඉටුකළ බලවේගයක් බවත්, එමනිසා වර්තමාන ආණ්ඩුවේ ජනවරම ආරක්ෂා කිරීමට සහ විවිධ බාහිර බලපෑම් නිසා ආණ්ඩුව ඊට පිටුපා ක්රියාකිරීම වැළැක්වීමට වගකීමක් තමන්ට පැවරී ඇති බවත් ජාතික නිදහස් පෙරමුණේ නායක විමල් විරවංශ ප්රකාශ කරයි.
නිවේදනයක් නිකුත් කරමින් විමල් විරවංශ පවසන්නේ, ජවීපෙ සන්නාමය නිර්මාණය කිරීමට, විශේෂයෙන්ම එම ක්රියාවලිය තුළ “අපගේ මාතෘභූමිය බෙදා වෙන්කිරීම වැළැක්වීමට දිවිපිදූ රෝහණ විජේවීර සහෝදරයා ප්රමුඛ දහස් ගණන් වීරෝදාර සගයන්ට සාධාරණය ඉටුකිරීමට “ආණ්ඩුවේ පාර්ශ්වවලට සමාන වගකීමක් තමන්ටද පැවරෙන බව තමා විශ්වාස කරන බවයි.
නුදුරු අනාගතයේ දී ආණ්ඩුවට මුහුණදීමට සිදුවන දේශීය සහ විදේශීය බෙදුම්වාදී බලවේගවල බලපෑම්වලට සහ ගෝලීය භූ දේශපාලන කේන්ද්රයක් ලෙස ශ්රී ලංකාවට උරුම වී ඇති අභියෝගවලට මුහුණදීම පහසු නොවන බවද හෙතෙම සඳහන් කරයි.
පහතින් දැක්වෙන්නේ විමල් විරවංශ නිකුත් කළ අදාළ නිවේදනයයි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
