ලබන සතියේ පැවැත්වීමට නියමිතව තිබූ ‘ශ්රී ලාංකික දින’ සැමරුම, රටට බලපෑ ආපදා තත්ත්වය සැලකිල්ලට ගනිමින් ජනාධිපති අනුර කුමාර දිසානායක මහතා විසින් අහෝසි කිරීමට පියවර ගෙන තිබේ.
දෙසැම්බර් 12, 13, සහ 15 යන තෙදින තුළ රට පුරා පැවැත්වීමට නියමිතව තිබූ මෙම සැමරුම සම්පූර්ණයෙන්ම අවලංගු කර ඇත.
මෙම දින සැමරුම වෙනුවෙන් රජය විසින් වෙන් කර තිබූ රුපියල් මිලියන 300ක මුදල, ආපදා සහන සේවාව වෙනුවෙන් යෙදවීමට රජය තීරණය කර ඇති බව වාර්තා වේ.
‘ශ්රී ලාංකික දින’ සැමරුම සංවිධානය කර තිබුණේ ශ්රී ලාංකිකයන්ගේ ජාතිකත්වය වර්ධනය කිරීමේ අරමුණින් විවිධ උත්සව පැවැත්වීමටය. කෙසේ වෙතත්, එවැනි දිනක් ඉදිරියේදී පවත්වනවාද නැද්ද යන්න මෙතෙක් රජය විසින් තීරණය කර නොමැත.
