‘දිට්වා’ සුළි කුණාටුව හේතුවෙන් නුවරඑළිය දිස්ත්රික්කයේ මාර්ගවලට සිදුව තිබෙන හානිය සොයා බැලීම සහ ඊට ගත යුතු කඩිනම් ක්රියාමාර්ග ගැනීම සම්බන්ධව ජනාධිපති අනුර කුමාර දිසානායක මහතා සහ අදාළ වගකිව යුතු නිලධාරීන් සමඟ අද (08) පෙරවරුවේ නුවරඑළිය දිස්ත්රික් ලේකම් කාර්යාලයේදී සාකච්ඡාවක් පැවැත්විණි.
නුවරඑළිය දිස්ත්රික්කයේ හානියට පත් මාර්ග, බෝක්කු සහ පැති බැමි ප්රතිසංස්කරණය කිරීමට අදාළ ප්රතිපාදන කඩිනමින් ලබා දීමට කටයුතු කරන බව ජනාධිපතිවරයා සඳහන් කළේය.
මෙම වසර අවසන් වීමට පෙර සියලුම ප්රතිසංස්කරණ කටයුතු අවසන් කිරීමට පියවර ගන්නා ලෙස ජනාධිපති අනුර කුමාර දිසානායක මහතා නිලධාරීන්ට උපදෙස් දුන්නේය.
සාමාන්ය ප්රතිසංස්කරණවලින් විවෘත කිරීමට නොහැකිව තිබෙන මාර්ග සම්බන්ධව වාර්තාවක් ලබා දෙන ලෙස ද ජනාධිපතිවරයා නිලධාරීන්ගෙන් ඉල්ලීමක් කළේය.
