බදු පැහැරහැරීමක් සම්බන්ධයෙන් දැනට මාස හයක සිරදඬුවමක් විඳිමින් සිටින ඩබ්ලිව්.එම්.මෙන්ඩිස් සහ සමාගමේ අධ්යක්ෂ අර්ජුන් ඇලෝසියස් පුවත්පතක් මුද්රණය කිරීම සඳහා කඩදාසි මිලදී ගැනීමෙන් රුපියල් රුපියල් මිලියන 12ක් වංචා කළ බවට චෝදනා කරමින් කොළඹ මහේස්ත්රාත් අධිකරණය හමුවේ නඩුවක් ගොනුකර තිබේ.
පුවත්පත් මුද්රණය සඳහා කඩදාසි ආනයනය කර බෙදාහරින නෙප්චූන් පේපර්ස් ලිමිටඩ පෞද්ගලික සමාගම ගොනුකළ මෙම නඩුවේ විත්තිකරුවන් ලෙස අර්ජුන් ඇලෝසියස් සහ චමින්ද සහන් නමැත්තන් නම්කර ඇත.
මෙම නඩුව කොළඹ අතිරේක මහේස්ත්රාත් හර්ෂණ කැකුණුවල ඉදිරියේ විභාගයට ගැනිණි.
බන්ධනාගාර අධිකාරි විසින් අර්ජුන් ඇලෝසියස් අධිකරණයට ඉදිරිපත් කළ අතර දෙවැනි විත්තිකරු අධිකරණයේ පෙනීසිටියේ නැත.
නීතීඥ ධර්මතිලක ගමගේ ගේ උපදෙස් මත නීතිඥ ෆාතිමා සුහාරියා පැමිණිල්ල වෙනුවෙන් අධිකරණය හමුවේ කරුණු ඉදිරිපත් කළාය.
දෙපාර්ශ්වය ඉදිරිපත් කළ කරුණු සලකා බැලූ මහේස්ත්රාත්වරයා රුපියල් ලක්ෂ 5 බැගින් වූ ශරීර ඇප අටක් මත විත්තිකරුට ඇප නියම කළේය.
වංචා සහ සාපරාධී සාවද්ය පරිහරණය යන චෝදනා යටතේ මෙම නඩුව පවරා ඇති බව පවසමින් නීතීඥවරයා අධිකරණයට කරුණු ඉදිරිපත් කළේය.
විත්තිකරුවන්ගේ බැංකු ගිණුම්වල මුදල් ප්රමාණවත් නොවන බව දැන දැනම 2019 වසරේ චෙක්පත් හතරක් වෙන් වෙන් වශයෙන් නිකුත් කර රුපියල් මිලියන 12ක් වංචා කර ඇති බව ප්රකාශ විය.
විත්තිකරු වෙනුවෙන් පෙනී සිටි නීතීඥවරයා ඉල්ලා සිටියේ නඩුව අධ්යයනය කිරීමට සහ උපදෙස් ලබාගැනීමට සාධාරණ කාලයක් ලබාදී විත්තිකරුට ඇප ලබාදෙන ලෙසයි.
අධිකරණයේ පෙනීනොසිටි දෙවැනි විත්තිකරුට මාර්තු 19 වැනිදා අධිකරණයේ පෙනීසිටින ලෙස නොතීසි ද නිකුත් කෙරිණි.
