රජයේ වාහන අවභාවිත කිරීම් පිළිබඳ තොරතුරු දැනුම් දීමට විශේෂ දුරකතන අංකයක් හඳුන්වා දී තිබේ.
ඒ අනුව, රජයේ විවිධ කාර්යයන් සඳහා නිකුත් කරන ලද වාහන යම් ස්ථානයක වංචාසහගත ලෙස හෝ නීති විරෝධීව සඟවා තිබෙන හෝ යම් කිසි ආකාරයකට කොටස් කර සඟවා තිබෙන බවට තොරතුරු දන්නේ නම් 1997 දුරකතන අංකයට ඒ පිළිබඳව දැනුම් දෙන ලෙස පොලිස් මූලස්ථානය ජනතාවගෙන් ඉල්ලා සිටියි.
එමෙන් ම, රජයේ වාහන යම් යම් ස්ථානවල නවතා තබා අබලන් වීමට ඉඩහැර තිබෙන යම් තොරතුරක් දන්නා අයෙකු සිටී නම් එම තොරතුරු ද මෙම විශේෂ දුරකතන අංකයට ලබා දීමට හැකි ය.
නිවේදනයක් නිකුත් කරමින් පොලිස් මූලස්ථානය සඳහන් කරන්නේ, මේ සම්බන්ධයෙන් තොරතුරු ලබා දෙන පුද්ගලයන්ගේ අනන්යතාවය ආරක්ෂා කරන බව ය.
තොරතුරු සපයන්නන්ගේ අනන්යතාවය හෙළිකිරීම ද අත්යවශ්ය නොවන අතර සත්ය තොරතුරු පමණක් ලබා දෙන ලෙස ද අසත්ය තොරතුරු ලබා දෙන්නන්ට එරෙහිව නීත්යනුකූලව කටයුතු කරන බව ද එම නිවේදනයෙ හි වැඩිදුරට ත් සඳහන් කර තිබේ
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
