ඇමරිකානු ජනාධිපති ඩොනල්ඩ් ට්රම්ප්ගේ මැදිහත්වීමෙන් යෝජනා වූ ඉරාන – ඊශ්රායල සටන් විරාම ගිවිසුමට දැඩි පහරක් එල්ල වී ඇති බව විදෙස් මාධ්ය වාර්තා කරයි. සටන් විරාමය ක්රියාත්මක වන මොහොතේදී පවා ඉරානය විසින් ඊශ්රායලයේ ප්රදේශ කිහිපයක් ඉලක්ක කර ගනිමින් බැලස්ටික් මිසයිල ප්රහාරයක් දියත් කර ඇති බවට තොරතුරු ලැබී තිබේ.
මෙම ප්රහාරය සම්බන්ධයෙන් දැඩි ලෙස අදහස් දක්වමින් ඊශ්රායල ආරක්ෂක අමාත්ය ඊශ්රායල් කැට්ස් ප්රකාශ කළේ, ඉරානය සටන් විරාම ගිවිසුම උල්ලංඝනය කරමින් සිදුකළ මෙම පහරදීමට එරෙහිව ප්රතිප්රහාර එල්ල කිරීමට ඊශ්රායලය සම්පූර්ණයෙන්ම සූදානම් බවයි. තවදුරටත් අමාත්යවරයා සඳහන් කළේ, ඉරානයේ මෙම ගිවිසුම් කඩකිරීමට එරෙහිව බලගතු ප්රතිචාරයක් දැක්වීමට තමන් ඊශ්රායල හමුදාවට උපදෙස් ලබා දී ඇති බවයි.
