2025 වර්ෂයේ පැවති 5 ශ්රේණිය ශිෂ්යත්ව පරීක්ෂණයේ ප්රතිඵල මත පදනම්ව, 2026 වර්ෂය සඳහා රජයේ පාසල්වල 6 ශ්රේණියට සිසුන් ඇතුළත් කිරීමේ පළමු වටයේ අභියාචනා ඉදිරිපත් කිරීමේ ක්රියාවලිය දැන් ආරම්භ වී තිබේ. අධ්යාපන අමාත්යාංශය නිවේදනය කරන පරිදි මෙම අභියාචනා ඉදිරිපත් කිරීමේ අවස්ථාව ඊයේ, එනම් ජනවාරි 12 වනදා සිට ලබන ජනවාරි 25 වනදා දක්වා මාර්ගගත (Online) ක්රමවේදය ඔස්සේ පමණක් ක්රියාත්මක වේ.
මේ සඳහා සුදුසුකම් ලබන සිසුන්ට සහ දෙමාපියන්ට අධ්යාපන අමාත්යාංශයේ නිල වෙබ් අඩවිය වන www.moe.gov.lk වෙත පිවිසීමෙන් හෝ g6application.moe.gov.lk යන සෘජු සබැඳිය ඔස්සේ සිය අභියාචනා යොමු කිරීමේ හැකියාව පවතී. එක් ශිෂ්යයෙකු වෙනුවෙන් පාසල් තුනක් සඳහා උපරිමයක් වන පරිදි අභියාචනා ඉදිරිපත් කිරීමට මෙහිදී අවස්ථාව සලසා දී ඇති බව ද අමාත්යාංශය වැඩිදුරටත් අවධාරණය කර සිටියි.
නියමිත කාලසීමාවෙන් පසුව ඉදිරිපත් කරන කිසිදු අභියාචනයක් සලකා නොබලන බැවින්, ලබා දී ඇති උපදෙස් අනුව නිවැරදිව මාර්ගගත පද්ධතිය හරහා සිය ඉල්ලීම් ඉදිරිපත් කරන ලෙස දෙමාපියන්ගෙන් ඉල්ලා සිටී.
