දිට්වා සුළි කුණාටුවෙන් පසු ඇති වූ ආපදා තත්ත්වය හේතුවෙන් ක්ෂේත්ර භෝග වගා බිම් හෙක්ටයාර 21,000කට පමණ හානි වී ඇතැයි හෙක්ටර් කොබ්බෑකඩුව ගොවි කටයුතු පර්යේෂණ සහ පුහුණු කිරීමේ ආයතනය පවසයි.
අයහපත් කාලගුණයෙන් වී වගාවට සිදුව ඇති හානිය පිළිබඳ ගණනය කිරීම් මේ වන විට ආරම්භ කර ඇති බව ගොවිජන සංවර්ධන දෙපාර්තමේන්තුව පවසයි. කුඹුරු අක්කර එක්ලක්ෂ අට දහසකට පමණ හානිවී ඇතැයි වාර්තා වන බව එහි කොමසාරිස් ජනරාල් ධම්මික රණතුංග මහතා සඳහන් කළේය.
හානි වූ කුඹුරු හෙක්ටයාර එකක් සඳහා රුපියල් එක්ලක්ෂ පනස් දහසක මුදලක් ලබා දෙන බවද ඔහු වැඩි දුරටත් සඳහන් කළේය.
මේ අතර අයහපත් කාලගුණයෙන් දිස්ත්රික්ක කිහිපයක වන අලි ගම් වැදීම පාලනය සඳහා ඉදිකළ අලි වැට සම්පූර්ණයෙන්ම විනාශ වී ඇති බව වනජීවි සංරක්ෂණ දෙපාර්තමේන්තුවේ අධ්යක්ෂ ජනරාල් රංජන් මාරසිංහ මහතා සඳහන් කළේය. වැඩි වශයෙන් හානි සිදුව ඇත්තේ පොළොන්නරුව දිස්ත්රික්කයට බව ද ඔහු පැවසීය.
යාල වනෝද්යානයට සිදුව ඇති පාඩුව හා හානි පිළිබඳ සොයා බැලිමට හා පිළියම් යෙදීමට කොළඹින් නිලධාරීන් කණ්ඩායමක් පිටත් කර යැවූ බව වනජීවි අධ්යක්ෂ ජනරාල්වරයා ප්රකාශ කළේය
