පසුගිය වසරේ ඊශ්රායලයට එල්ල කළ ප්රහාරයේ මහා මොලකරු ලෙස කටයුතු කළ සින්වාර් ඊශ්රායලය විසින් ඝාතනය කිරීමෙන් පසු හමාස් සංවිධානයේ නායකත්වයට ඔහුගේ සහෝදරයා පත්වනු ඇති බව රොයිටර්ස් පුවත් සේවය පවසනවා.
හමාස් සංවිධානයේ නව නායකයා ගාසා තීරයෙන් පිටත පුද්ගලයෙක් වීමට බොහෝ දුරට ඉඩ ඇති බවයි ඔවුන් සඳහන් කරන්නේ. කෙසේ වෙතත් මෙම නව නායකයා තීරණය කිරීමේදී හමාස් සංවිධානයට ප්රධාන වශයෙන් උපකාර කරන ඉරානය සහ කටාරයේ බලපෑමත් සලකා බැලීමට සංවිධානයට සිදුවනු ඇති.
එතෙක් හමාස් සංවිධානයේ මිලිටරි කටයුතු සින්වාර්ගේ සහෝදරයාවන මොහොමඩ් සින්වාර් විසින් මෙහෙයවන බවටයි වාර්තා වන්නේ. ගාසා තීරයේ පිටත සිටින හමාස් සංවිධානයේ ප්රධානීන් පස්දෙනෙකුව නව නායකත්වය සඳහා සලකා බැලෙන බවත් සඳහන්.
මාස තුනක් වැනි කෙටි කාලයක් තුළ හමාස් සංවිධානයේ ප්රධානීන් දෙදෙනෙකු ඝාතනය කිරීමට ඊශ්රායලය සමත් වුණා. එම නිසා යුද්ධය අවසන් කළ යුතු බවට ඊශ්රායල අගමැති කටයුතු කළ යුතු බවයි ලෝක නායකයින් සඳහන් කරන්නේ.
නමුත් සින්වාර්ගේ මරණය ගාසා තීරයේ යුද්ධයේ අවසානය නොවන බව ඊශ්රායල අගමැති බෙන්ජමින් නෙතන්යාහු අවධාරණය කර සිටියා
