මාතර කිරිකැටිය සහ ගාල්ල අහංගම යන ප්රදේශවල සුරාබදු බලපත්ර නොමැතිව පවත්වාගෙන ගිය බීර විකිණීමේ ස්ථාන දෙකක් වටලා එහි තිබූ බීර යන්ත්ර (Keg Machines) ඇතුළු උපකරණ තොගයක් සිය භාරයට ගැනීමට කොළඹ සුරාබදු විශේෂ මෙහෙයුම් ඒකකය සමත් වී තිබේ.
මෙම වැටලීමේදී විවිධ වර්ගයේ බීර ලබාගත හැකි වන සේ ටැප් සවිකර තිබූ බීර වීදුරු ගණන් ලබාදෙන නවීන යන්ත්ර 4ක්, $CO_2$ සිලින්ඩරයක් සහ රුපියල් ලක්ෂ 25ක් පමණ වටිනා බීර තොගයක් නිලධාරීන් විසින් සොයාගෙන ඇත.
බලපත්ර නොමැති මෙම ස්ථාන වෙත මෙවැනි නවීන උපකරණ සහ බීර තොග ලැබුණේ කෙසේද යන්න පිළිබඳව මේ වන විට පුළුල් විමර්ශනයක් ආරම්භ කර තිබේ.
අත්අඩංගුවට ගත් සැකකරුවන් ඇප මත නිදහස් කර ඇති අතර, ඔවුන්ට එරෙහිව ඉදිරියේදී අධිකරණ ක්රියාමාර්ග ගැනීමට නියමිතය.සුරාබදු කොමසාරිස් ජනරාල් එම්.බී.එන්.ඒ. පේමරත්න මහතා ඇතුළු ඉහළ නිලධාරීන්ගේ උපදෙස් මත, සුරාබදු අධිකාරී පී.එන්. හේමන්ත සහ ප්රධාන සුරාබදු පරීක්ෂක ජයකොඩි යන මහත්වරුන් ඇතුළු කණ්ඩායමක් විසින් මෙම වැටලීම සිදුකරන ලදී.
