හිටපු අමාත්ය සහ වත්මන් පාර්ලිමේන්තු මන්ත්රී රිෂාඩ් බදියුදීන් මහතා අද (05) පෙරවරුවේ අල්ලස් හෝ දූෂණ විමර්ශන කොමිෂන් සභාව වෙත පැමිණ තිබේ. පසුගිය රජය සමයේ රාජගිරිය ප්රදේශයේ ගොඩනැගිල්ලක් කෘෂිකර්ම අමාත්යාංශය පවත්වාගෙන යාම සඳහා කුලී පදනම මත ලබා ගැනීම සම්බන්ධයෙන් ක්රියාත්මක වන විමර්ශනයකට අදාළව මෙම කැඳවීම සිදු කර ඇත.
අල්ලස් කොමිසම විසින් ආරම්භ කර ඇති මෙම විමර්ශනයට අදාළව ප්රකාශයක් ලබා දීම සඳහා මන්ත්රීවරයාට අද දින පෙනී සිටින ලෙස මීට පෙර දැනුම් දී තිබුණි. අදාළ ගොඩනැගිල්ල කුලියට ගැනීමේ තීරණය ගනු ලැබූ අවධියේදී ඒ මහතා කැබිනට් මණ්ඩලයේ අමාත්යවරයෙකු ලෙස කටයුතු කිරීම හේතුවෙන් මෙම ප්රශ්න කිරීම් සිදු කෙරෙන බව වාර්තා වේ.
