‘දිට්වා’ සුළි කුණාටුවෙන් විපතට පත් ජනතාවට බෙදා දුන් සහනාධාර මලු අලෙවි කළ බවට තොරතුරු කිහිපයක් ලැබීම නිසා, ඒ සම්බන්ධව අත්යාවශ්ය සේවා කොමසාරිස් ජනරාල් දෙපාර්තමේන්තුව විසින් පරීක්ෂණ ආරම්භ කර ඇත.
අත්යාවශ්ය සේවා කොමසාරිස් ජනරාල් බී. කේ. ප්රභාත් චන්ද්රකීර්ති මහතා පවසන පරිදි, කොළොන්නාව, වැල්ලම්පිටිය ආදී ප්රදේශවලට බෙදා දුන් සහනාධාර ලබාගත් ඇතැමුන් ඒවා අලෙවි කර තිබෙන බවට පැමිණිලි කිහිපයක් ලැබී තිබේ.
මෙම සිද්ධිය සම්බන්ධව පරීක්ෂා කර වාර්තාවක් ලබා දෙන ලෙස පාරිභෝගික කටයුතු පිළිබඳ අධිකාරියට (CAA) දැනුම් දුන් බව ද ඔහු කීවේය. මෙවැනි සිද්ධීන් සම්බන්ධව නිරන්තරයෙන් අවධානය යොමු කරන බව ද අධ්යක්ෂ ජනරාල්වරයා පැවසුවේය.
