සිකුරාදා රාත්රියේ පාකිස්තානය විසින් එල්ල කරන ලද ගුවන් ප්රහාරයකින් ඇෆ්ගනිස්ථාන ක්රිකට් ක්රීඩකයින් තිදෙනෙකු ඇතුළු පුද්ගලයින් 40 දෙනෙකු ජීවිතක්ෂයට පත්ව ඇතැයි වාර්තා වේ.
ටොලෝ නිවුස් වාර්තා කළේ මෙම ප්රහාරය කන්දහාර්හි ස්පින් බෝල්ඩක් දිස්ත්රික්කයේ නේවාසික ප්රදේශ ඉලක්ක කර ගෙන ඇති අතර, මියගිය අයගෙන් බහුතරය කාන්තාවන් සහ ළමුන් බවයි.
ඇෆ්ගනිස්ථාන ක්රිකට් පාලක මණ්ඩලය (ACB) මෙම ක්රීඩකයින්ගේ මරණය සම්බන්ධයෙන් සිය කනගාටුව සහ ශෝකය පළ කර තිබේ. එම ක්රීඩකයින් තිදෙනා පක්ටිකා පළාතේ උර්ගුන් දිස්ත්රික්කයට අයත් බවත්, ඔවුන් “පාකිස්තාන ප්රහාරයකට ඉලක්ක වූ බවත්” ACB සඳහන් කළේය.
මෙම සිදුවීම ඇෆ්ගනිස්ථානයේ ක්රීඩා ප්රජාවට සහ ක්රිකට් පවුලට වූ මහත් පාඩුවක් ලෙස සලකන බව මණ්ඩලය පවසයි.
“මෙම ඛේදජනක සිදුවීමට ප්රතිචාර වශයෙන් සහ වින්දිතයින්ට ගෞරව දැක්වීමක් වශයෙන්, ඇෆ්ගනිස්ථාන ක්රිකට් පාලක මණ්ඩලය එළඹෙන නොවැම්බර් මස අගදී පැවැත්වීමට නියමිත පාකිස්තානය ද සම්බන්ධ වන තුන්කොන් විස්සයි-විස්ස ජාත්යන්තර තරඟාවලියට සහභාගී වීමෙන් ඉවත් වීමට තීරණය කර ඇත,” යනුවෙන් මණ්ඩලය සිය තීරණය ප්රකාශයට පත් කළේය.
ඇෆ්ගන් දේශීය නිලධාරීන්ට අනුව, මෙම ගුවන් ප්රහාර සෘජුවම සිවිල් නිවාසවලට එල්ල වී තිබේ. ස්පින් බෝල්ඩක්හි මහජන සෞඛ්ය ප්රධානියා ටොලෝ නිවුස් වෙත අදහස් දක්වමින් කියා සිටියේ, “සිවිල් වැසියන්ගේ හානි අතිශයින් ඉහළයි. ඊයේ ගුවන් ප්රහාර තවදුරටත් එම සංඛ්යා වැඩි කළා. දැන් අපට තුවාලකරුවන් 170 ක් සහ මියගිය 40 ක් සිටිනවා.”
