ඉරානය පුරා පසුගිය දින 17ක් මුළුල්ලේ ක්රියාත්මක වන රජයට එරෙහි මහජන විරෝධතා මර්ධනය කිරීමේදී මියගිය සංඛ්යාව 2,000 සීමාව ඉක්මවා ගොස් ඇති බව මානව හිමිකම් සංවිධානය තහවුරු කරයි. අමෙරිකාව පදනම් කරගත් ‘HRANA’ පුවත් ඒජන්සිය පවසන්නේ දරුණු අන්තර්ජාල සීමා කිරීම් මධ්යයේ වුවද මියගිය විරෝධතාකරුවන් 1,850 දෙනෙකු සහ කුඩා ළමුන් 9 දෙනෙකු පිළිබඳ තොරතුරු මේ වන විට තහවුරු කරගෙන ඇති බවයි. ඉරාන රජයේ නිලධාරීන් පවා මරණ සංඛ්යාව 2,000 ඉක්මවන බව පිළිගෙන ඇති නමුත්, ඔවුන් එම ඝාතනවල වගකීම පටවන්නේ “ත්රස්තවාදීන්” මත වීම විශේෂත්වයකි.
මෙම අර්බුදකාරී වාතාවරණය හමුවේ අමෙරිකානු ජනාධිපති ඩොනල්ඩ් ට්රම්ප් සිය Truth Social ගිණුම හරහා ඉරාන වැසියන් අමතමින් කියා සිටියේ, “ඉරාන දේශප්රේමීනි, සහන මග එනවා” යනුවෙනි. විරෝධතාකරුවන් ඝාතනය කිරීම නතර කරන තුරු ඉරාන නිලධාරීන් සමඟ පැවැත්වීමට තිබූ සියලුම සාකච්ඡා තමා අවලංගු කළ බව පැවසූ ට්රම්ප්, මරණ පිළිබඳ නිවැරදි සංඛ්යාලේඛන ලබා ගැනීමටත්, ඝාතකයන්ට එරෙහිව දැඩි පියවර ගැනීමටත් තමා සූදානම් බව අවධාරණය කළේය.
