පුත්තලම් දුම්රිය මාර්ගයේ කොච්චිකඩේ හා නාත්තන්ඩිය අතර තිබූ පිළිසකර කිරීමේ කටයුතු අවසන් කර ඇති බැවින්, කොළඹ කොටුව සිට නාත්තන්ඩිය දක්වාම දුම්රියන් ධාවනය සිදු වන බව දුම්රිය දෙපාර්තමේන්තුව දැනුම් දී ඇත.
පැවති අයහපත් කාලගුණය හමුවේ ඇති වූ ගංවතුර තත්ත්වය හේතුවෙන් මීට පෙර එම මාර්ගයේ දුම්රිය ගමනාගමනය කොළඹ කොටුව සිට කොච්චිකඩේ දුම්රිය ස්ථානය දක්වා පමණක් සීමා වී තිබුණි.
ආපදා තත්ත්වයෙන් හානි වූ දුම්රිය මාර්ග රැසක් අතරින් උඩරට දුම්රිය මාර්ගයේ ද හානි වූ ස්ථාන රැසකින් යළි පිළිසකර කිරීමේ කටයුතු ආරම්භ කර ඇත.
