ඉන්දියාවේ – නොයිඩා සහ දිල්ලියේ පාසල් දෙකකට බෝම්බ ප්රහාර එල්ල විය හැකි බවට ලැබුණු විද්යුත් තැපැල් (email) පණිවිඩයක් හේතුවෙන් මෙම තීරණය ගෙන පාසල් දෙක තාවකාලිකව වසා දමා තිබේ.
විදෙස් මාධ්ය වාර්තා කරන්නේ සිසුන් නිවෙස් වෙත යළි හරවා යවා ඇති අතර ආරක්ෂක අංශ පොලිස් සුනඛයන් ද යොදා ගනිමින් පරීක්ෂණ සිදු කරන බවයි.
එමෙන්ම ගිනි නිවීමේ භටයින්ද කැඳවා තිබෙනවා.
කෙසේවෙතත් දිල්ලි පොලිසිය සඳහන් කළේ එම පාසල් පරිශ්ර දෙකෙහි තිබී සැක සහිත කිසිවක් මෙතෙක් හමු වී නොමැති බවයි.
මේ අතර, නොයිඩා නගරයේ පාසල් හතරකට බෝම්බ තර්ජන එල්ල විය හැකි බවට ව්යාජ විද්යුත් තැපැල් පණිවිඩ යැවීම සම්බන්ධයෙන් 15 හැවිරිදි සිසුවෙකු ඊයේ දිනයේ අත්අඩංගුවට ගෙන තිබෙනවා.
