ලංකා විදුලි සේවක සංගමයේ ප්රධාන ලේකම් රන්ජන් ජයලාල්, සේවකයන්ට ප්රසාද දීමනා ලබාදෙන ලෙස ලංවිම කළමනාකාරීත්වයට සංගමය කළ ඉල්ලීම සම්බන්ධයෙන් එල්ල වන විවේචනවලට පිළිතුරු ලබාදී තිබේ.
“සේවකයන්ට ප්රසාද දීමනා ලබාදෙන ලෙසට අපි කළ ඉල්ලීම මාධ්ය තුළ විශාල පාපයක් ලෙස හුවා දක්වා තිබෙනවා. අපි රජය නියෝජනය කරන වෘත්තීය සමිතියක් බව සියලු දෙනාටම මතක්කළ යුතුයි.”
“අපේ ඉල්ලීම් කරන්න අපි තවදුරටත් පාරට බැහැලා උද්ඝෝෂණ කරන්න අවශ්ය නැහැ. මේක දැන් අපේ ආණ්ඩුව. ආණ්ඩුව මේක දෙන බව අපි දන්නවා. අපි අපේ ඉල්ලීම් ආණ්ඩුවට මතක් කරලා ඒවා ඉටුකරන්න” ඔහු වැඩිදුරටත් පැවසීය.
“අපිට සීයට තුනක් තියෙද්දිත් අපි ආණ්ඩුව දණගැස්සුවා. අපි සේවක අයිතිය වෙනුවෙන් මේ ආයතනයට බලහත්කාරයෙන් කඩාපැනපු මිනිස්සු.අපි අපේ හයිය පාවිච්චි කරන්නේ අපේ පන්තිය වෙනුවෙන්…අපි තමයි විදුලි බල මණ්ඩලයේ පාලකයෝ.” ඔහු තවදුරටත් පැවැසීය.
