ශ්රී ලංකාවට බටහිර දෙසින් වූ ගැඹුරු මුහුදේදී නාවික හමුදා භාරයට ගත් මෙරට බහුදින යාත්රාවේ තිබී හෙරොයින් සහ අයිස් මත්ද්රව්ය සොයා ගත් බව නාවික හමුදාව පවසයි.
ඒ අනුව, එම යාත්රාවේ තිබූ උර 16ක අයිස් සහ හෙරොයින් මත්ද්රව්ය ඇති බවට අනාවරණය වී තිබේ. තවදුරටත් එම යාත්රාවේ ඇති මත්ද්රව්ය තොගයේ කිරුම් කටයුතු සිදුකරනු ඇති බව ද නාවික හමුදාව පවසයි.
නාවික හමුදාවට ලැබී ඇති විශ්වසනීය තොරතුරක් මත මෙම යාත්රාව වැටලීම සිදුකර නාවික හමුදා භාරයට ගෙන ඇති අතර, එම යාත්රාව අද (නොවැම්බර් 02) පෙරවරුවේ දික්ඕවිට ධීවර වරායට රැගෙන එනු ලැබීය.
