සේවක අර්ථසාධක අරමුදල (EPF) සහ සේවක භාරකාර අරමුදල (ETF) ප්රතිලාභ අහෝසි කර ඒ වෙනුවට විශ්රාම වැටුප් ක්රමයක් ආදේශ කිරීමට රජය කිසිදු තීරණයක් ගෙන නොමැති බව කම්කරු අමාත්ය අනිල් ජයන්ත ප්රනාන්දු මහතා අවධාරණය කරයි.
පසුගිය බ්රහස්පතින්දා (08) විශේෂ නිවේදනයක් නිකුත් කරමින් අමාත්යවරයා පවසා සිටියේ, පෞද්ගලික අංශයේ සේවකයන්ගේ EPF සහ ETF දායකත්වයන් ඉවත් කර විශ්රාම වැටුප් ක්රමයක් හඳුන්වා දීමට රජය සූදානම් වන බවට සමාජ මාධ්ය හා ඇතැම් පාර්ශ්වයන් පතුරුවා හරින වාර්තා සම්පූර්ණයෙන්ම අසත්ය බවයි.
එවැනි කිසිදු ප්රතිපත්තිමය තීරණයක් රජය ගෙන නොමැති බවත්, පවතින අරමුදල් සුරක්ෂිත කරමින් සේවක අයිතිවාසිකම් තහවුරු කිරීමට රජය බැඳී සිටින බවත් අමාත්යවරයා වැඩිදුරටත් සඳහන් කළේය.
