සිරිලක නව පරිච්ඡේදයක් සනිටුහන් කරමින් උදා වූ 2026 නව වසර, රට යළි ගොඩනැගීමේ දැවැන්ත කාර්යභාරය සහ විශාලතම ප්රතිසංස්කරණ ක්රියාවලිය දෙවුර දරාගත් ජාතියක් ලෙස පිළිගන්නා බව ජනාධිපති අනුර කුමාර දිසානායක මහතා පවසයි. නව වසර වෙනුවෙන් විශේෂ සුබපැතුම් පණිවිඩයක් නිකුත් කරමින් ජනාධිපතිවරයා පෙන්වා දෙන්නේ පසුගිය වසර අභියෝග රැසක් මධ්යයේ වුවද තිරසාර සංවර්ධනයක අඩිතාලම දැමූ වසරක් වූ බවයි.
පසුගිය 2025 වසරේ ලබාගත් ආර්ථික ජයග්රහණ පිළිබඳව අදහස් දක්වමින් ජනාධිපතිවරයා සඳහන් කළේ, 1977 වසරෙන් පසු වාර්තා වූ අඩුම අයවැය හිඟය සහ 2007 වසරෙන් පසු ලබාගත් වැඩිම රාජ්ය ආදායම රටේ ආර්ථික ස්ථාවරත්වයට සාක්ෂි දරන බවයි. එමෙන්ම ඉතිහාසයේ ප්රථම වතාවට ප්රාථමික ගිණුමේ අතිරික්තයක් පවත්වා ගැනීම, භාණ්ඩ හා සේවා අපනයන ආදායම ඩොලර් බිලියන 17 ඉක්මවීම සහ සංචාරක ක්ෂේත්රයේ කැපී පෙනෙන වර්ධනය 2025 වසරේ ලද සුවිශේෂී ජයග්රහණ බව ද ඔහු පෙන්වා දුන්නේය.
මෙම ගොඩනැගීමේ වැඩපිළිවෙල සමඟ නොසැලෙන අධිෂ්ඨානයෙන් සහ සහෝදරත්වයෙන් අත්වැල් බැඳ ගන්නා ලෙස ජනාධිපතිවරයා සියලු ශ්රී ලාංකිකයන්ට ආරාධනා කරයි. රට හමුවේ ඇති අභියෝග නිවැරදිව අවබෝධ කරගනිමින්, ජයග්රාහී මාවතක ඉදිරියට යාමට මෙම නව වසර සියලු දෙනාට යහපත උදා කරන වසරක් වේවායි ඔහු සුබ පැතුම් එක් කරයි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
