මෙරටට පැමිණ සිටින ලෝක බැංකු සමූහයේ සභාපති අජේ බංගා (Ajay Banga) සහ ජනාධිපති අනුර කුමාර දිසානායක මහතා අතර හමුවක් සිදුව තිබේ.
ජනාධිපති මාධ්ය අංශය සඳහන් කළේ ශ්රී ලංකාවේ ඉදිරි සංවර්ධන අරමුණු ජය ගැනීමට ලෝක බැංකු සමූහයේ සහාය ලබා දිය හැක්කේ කෙසේද යන්න පිළිබඳව මෙහිදී පුළුල් ලෙස සාකච්ඡා කෙරුණු බවයි.
ඩිජිටල්කරණය, සංචාරක කර්මාන්තය, කෘෂි කර්මාන්තය සහ යටිතල පහසුකම් ක්ෂේත්රය ඇතුළු කෙටිකාලීනව ප්රතිලාභ ලබා ගත හැකි ක්ෂේත්ර හඳුනා ගනිමින්, එහි ප්රවර්ධනයට කටයුතු කිරීම මෙන්ම උතුරු නැගෙනහිර සංවර්ධනය පිළිබඳව ද මෙහිදී විශේෂ අවධානය යොමුවී තිබේ.
එසේම වැඩිදුරටත් සඳහන් වෙන්නේ නව ආයෝජන මෙරටට ආකර්ෂණය කර ගැනීම සඳහා අවශ්ය නෛතික රාමුව සකස් කිරීමට මේ වන විට ශ්රී ලංකා රජය ගෙන ඇති පියවර සහ ඒ වෙනුවෙන් වූ රජයේ ප්රතිපත්තිමය වැඩපිළිවෙළ පිළිබඳව ද මෙහිදී සාකච්ඡා වූ බවයි.
මේ සම්බන්ධයෙන් නිකුත් කළ නිවේදනය පහතින්.
