අන්තර්ජාලය ඔස්සේ දැන්වීම් පළකරමින් ඩුබායි රාජ්යයේ රැකියා ලබා දෙන බවට පොරොන්දු වී ත්රිරෝද රථ රියදුරකුගෙන් රුපියල් ලක්ෂ 8ක මුදලක් වංචනික ලෙස ලබා ගෙන සැඟවී සිටි පුද්ගලයෙකු කිරිබත්ගොඩ පොලිසිය විසින් පසුගිය සති අන්තයේ අත්අඩංගුවට ගෙන ඇත.
වාර්තා වන ආකාරයට, සැකකරු මුදල් තම බැංකු ගිණුමට බැර කර ගැනීමෙන් අනතුරුව දුරකථන ඇමතුම්වලට ප්රතිචාර දැක්වීම නවතා දමා ඇති අතර, අන්තර්ජාලයේ පළකර තිබූ දැන්වීමද ඉවත් කර ගෙන තිබේ.
පසුව පොලිසිය උපක්රමශීලීව සැකකරු පොලිස් ස්ථානයට ගෙන්වා ගෙන අත්අඩංගුවට ගෙන ඇත. අත්අඩංගුවට ගෙන ඇත්තේ උඩහේන්තැන්න ප්රදේශයේ පදිංචි 35 හැවිරිදි පුද්ගලයෙකි.
කිරිබත්ගොඩ පොලිස් ස්ථානාධිපති ප්රධාන පොලිස් පරීක්ෂක කේ. ඕ. පී. අබේරත්න මහතාගේ උපදෙස් මත විවිධ පැමිණිලි විමර්ශන අංශයේ ස්ථානාධිපති උප පොලිස් පරීක්ෂක ඩබ්ලිව්. එම්. ඩී. තිලකසිරි මහතා ඇතුළු නිලධාරීන් කණ්ඩායමක් විසින් මෙම අත්අඩංගුවට ගැනීම සිදු කර ඇත. සැකකරු මහර මහේස්ත්රාත් අධිකරණයට ඉදිරිපත් කිරීමට නියමිතය.
