ඔන්ලයින් වංචා මැඩලීම ඇතුළු ශ්රී ලංකාවේ අධිකරණ, නීතිය ක්රියාත්මක කිරීමේ සහ ආරක්ෂක අංශවල සංවර්ධනයට සහාය වීමට චීනය කැමැත්ත පළකර තිබේ.
චීනය මෙම සහාය ලබා දීමට සුදානම් වන්නේ අන්තර්ජාල වංචා චෝදනා සහ අන්තර්ජාල මූල්ය වංචා සම්බන්ධයෙන් චීන ජාතිකයන් වැඩි සංඛ්යාවක් අත්අඩංගුවට ගැනෙන පසුබිමකය.
ජනාධිපති අනුර කුමාර දිසානායකගේ චීන නිල සංචාරය අතරතුර චීනය මෙම සහාය පළකිරීමේ ප්රකාශය නිකුත් කර තිබිණි.
ද්විපාර්ශ්වික සහයෝගීතාවයේ වැදගත් අංගයක් ලෙස අධිකරණ, නීතිය ක්රියාත්මක කිරීම සහ ආරක්ෂක සහයෝගීතාව දෙපාර්ශ්වයම පිළිගන්නා අතර, ටෙලිකොම් වංචා සහ මාර්ගගත සූදුව වැනි දේශසීමා අපරාධ ඒකාබද්ධව මර්දනය කිරීමට ද සූදානම්ව සිටින බව ජනාධිපතිවරුන් දෙපළ අතර පැවති හමුවෙන් පසු ඒකාබද්ධ ප්රකාශයෙන් දෙරට ප්රකාශ කර තිබිණි.
ශ්රී ලංකාවේ අධිකරණ, නීතිය ක්රියාත්මක කිරීමේ සහ ආරක්ෂක ක්ෂේත්රවල සංවර්ධනයට සහාය වීමට සහ පොලිස් සැපයුම් සඳහා සහාය ලබා දීමට චීනය උපරිමයෙන් කටයුතු කිරීමට සූදානම් බව එහි දැක්වේ.
කෙසේවෙතත්, දෙරට සාකච්ඡා කළ එම නිශ්චිත සංවර්ධනයන් මොනවාද යන්න පිළිබඳ විස්තර ඒකාබද්ධ ප්රකාශයේ සඳහන් කර නොමැත.
ශ්රී ලංකා රජයේ නිලධාරීන් පැවසුවේ මෑතකදී චීනය අන්තර්ජාල මූල්ය වංචා සම්බන්ධයෙන් චීන ජාතිකයන් 200කට වැඩි පිරිසක් රට පුරා අත්අඩංගුවට ගත් විට චීනය පොලිස් කණ්ඩායමක් ද යොමුකළ බවයි.
