හල්දුම්මුල්ල පොලිස් වසමට අයත් මාලදොල පින්නලන්ද ගම්මානයේ පවුල් හයකට අයත් සාමාජිකයින් එකොළොස් දෙනෙකු අද (20) උදෑසන කඩිනමින් එම ස්ථානයෙන් ඉවත් කිරීමට පියවර ගෙන තිබේ. මෙම පියවර ගෙන ඇත්තේ ගම්මානයට ඉහළින් පිහිටි කඳු යායේ තිබූ විශාල ගලක් පහළට පෙරළී යාම හේතුවෙන් ජනතාවට ඇති වූ ජීවිත අවදානම සැලකිල්ලට ගනිමිනි.
පොලීසිය සඳහන් කරන පරිදි, මෙම අනතුරුදායක තත්ත්වය හමුවේ නිවාසවලින් ඉවත් කළ පිරිස මේ වන විට ඔවුන්ගේ සමීපතම ඥාතීන්ගේ නිවාසවල තාවකාලිකව පදිංචිව සිටිති. තවදුරටත් කඳු බෑවුමේ ගල් හෝ පස් කඩා වැටීමේ අවදානමක් පවතින්නේද යන්න පිළිබඳව නිසි තක්සේරුවක් සිදු කරන තෙක් ජනතාවට සිය නිවාස වෙත පැමිණීම තහනම් කර ඇත.
ජාතික ගොඩනැගිලි පර්යේෂණ සංවිධානයේ නිලධාරීන් කණ්ඩායමක් පැමිණ අදාළ ප්රදේශයේ භූ විද්යාත්මක නිරීක්ෂණ කටයුතු සිදු කිරීමට නියමිතය. එම ආයතනය විසින් ලබා දෙන තාක්ෂණික වාර්තාව සහ ආරක්ෂිත නිර්දේශ ලැබෙන තුරු ගම්මානයට ඉහළින් පිහිටි අවදානම් කලාපයට ඇතුළු නොවන ලෙසට ප්රදේශවාසීන්ට උපදෙස් ලබා දී තිබේ.
![web template[1]-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/04/web-template1-Recovered-Recovered-Recovered-Recovered-Recovered-Recovered-2.png)
![web template[1]-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/04/web-template1-Recovered-Recovered-Recovered-Recovered-Recovered-Recovered-1.png)
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
