අපරාධවලින් උපයාගත් දේපළ විමර්ශනය කිරීම සඳහා නව විමර්ශන අංශයක් ස්ථාපිත කිරීමට ශ්රී ලංකා පොලිසිය තීරණය කර ඇත.
ඒ පාර්ලිමේන්තුවේදී සම්මත වූ “අපරාධයකින් උත්පාදිත දේපළ සම්බන්ධ පනතට” අනුකූලවයි.
ඊයේ (23) පැවති විශේෂ පොලිස් මාධ්ය හමුවකදී බස්නාහිර පළාත උතුර භාර නියෝජ්ය පොලිස්පති නිශාන්ත සොයිසා මේ බව ප්රකාශ කර සිටියේය.
මෙම නව අංශය “අපරාධයකින් උත්පාදිත දේපළ පිළිබඳ විමර්ශන කොට්ඨාශය හෙවත් PCID” ලෙස නම් කර තිබේ. පොලිස්පතිවරයාගේ ප්රධානත්වයෙන් පොලිස් දිනයට සමගාමීව මෙය ආරම්භ කිරීමට නියමිත බවද නියෝජ්ය පොලිස්පතිවරයා වැඩිදුරටත් සඳහන් කරයි.
මේ අතර, පොලීසිය මේ වන විට සිදුකළ විශේෂ මෙහෙයුම්වලින් සංවිධානාත්මක අපරාධකරුවන් සතුව තිබූ රුපියල් බිලියන 4.5ක් වටිනා දේපළ සිය භාරයට ගෙන ඇති බව වාර්තා වේ.
එම දේපළ අතරට ගොඩනැගිලි, නිවාස, වාහන, ඉඩම්, ස්වර්ණාභරණ, බෝට්ටු සහ රුපියල් මිලියන 57ක මුදල් ඇතුළත් වේ. මෙම දේපළ මුදල් විශුද්ධිකරණ පනත යටතේ තහනම් කර ඇති බවද පැවසේ.
