න්යෂ්ටික අනතුරකදී ඇතිවිය හැකි විකිරණ මට්ටම් කල්තියා හඳුනා ගැනීම සඳහා අති නවීන පූර්ව අනතුරු ඇඟවීමේ පද්ධතියක් ශ්රී ලංකාවේ ස්ථාපනය කර තිබේ. ශ්රී ලංකා පරමාණුක බලශක්ති නියාමන සභාව විසින් ගත් මෙම තීරණය රටේ ආරක්ෂාවට විශාල ශක්තියකි.
මෙම වැදගත් ව්යාපෘතිය ක්රියාත්මක වන්නේ ජාත්යන්තර පරමාණුක බලශක්ති ඒජන්සියේ (IAEA) පූර්ණ සහයෝගය ඇතිවයි.
බලශක්ති අමාත්යාංශය නිකුත් කළ නිවේදනයකට අනුව, මෙම පද්ධතිය නිර්මාණය කර ඇත්තේ ශ්රී ලංකාවට ආසන්න රටවල පිහිටි න්යෂ්ටික බලාගාරවල සිදුවිය හැකි ස්වභාවික හෝ මිනිසා විසින් සිදු කරන ලද අනතුරු හේතුවෙන් මෙරටට ඇතුළු විය හැකි විකිරණ කල්තියා හඳුනා ගැනීම සඳහායි.
ශ්රී ලංකා පරමාණුක බලශක්ති නියාමන කවුන්සිලයේ පරීක්ෂා කිරීම් සහ බලාත්මක කිරීමේ අංශයේ අධ්යක්ෂ ප්රගීත් කඩදුන්න මහතා පැවසුවේ, මෙම පද්ධති දිවයින පුරා උපායමාර්ගික ස්ථාන පහක ස්ථාපනය කර ඇති බවයි. ඒ අනුව, කල්පිටිය, මන්නාරම, ඩෙල්ෆ්, මඩකලපුව සහ ත්රිකුණාමලය යන නාවික හමුදා කඳවුරු කේන්ද්ර කර ගනිමින් මෙම පද්ධති ක්රියාත්මක වනු ඇත.
