දකුණු ආසියාවේ ඉහළම ගමනාන්තයක් ලෙස කොළඹට ඇති කීර්තිය සහ රටේ තරඟකාරිත්වය තහවුරු කරන ප්රධාන අංගයක් වන වීසා ලබාගැනීමේ පහසුව සම්බන්ධයෙන් ශ්රී ලංකාව ගෝලීය වශයෙන් 33 වැනි ස්ථානය හිමිකර ගෙන සිටින බව බ්රෑන්ඩ් ෆිනෑන්ස් ආයතනය පවසයි.
“රටවල් 35 ක පුරවැසියන් සඳහා වීසා රහිත ප්රවේශය හඳුන්වාදීම මගින් නගරයේ ආකර්ෂණය සැලකිය යුතු ලෙස ඉහළ නංවා ඇති අතර, එය සංචාරය කිරීමට පහසුම දකුණු ආසියානු නගරවලින් එකක් බවට පත් විය හැකිය,” යනුවෙන් Brand Finance නිකුත් කළ ජනමාධ්ය නිවේදනයක සඳහන් වේ.
කෙසේවෙතත්, කොළඹ නගරය නවතම බ්රෑන්ඩ් ෆිනෑන්ස් ග්ලෝබල් සිටි දර්ශකය තුළ පහත වැටීමකට ලක්ව ඇති අතර, එය වසරකට පෙර සිටි 78 වැනි ස්ථානයේ සිට 84 වැනි ස්ථානය දක්වා පහත වැටී ඇත්තේ, ඒකක 4.9ක පහත වැටීමක් පිළිබිඹු කරමිනි.
මෙම පසුබෑම නොතකා, කොළඹ ‘වර්ධන කේන්ද්රස්ථානයක්’ ලෙස නම්කිරීම තුළින් කලාපීය බලපෑමක් සහිත සංවර්ධනය වෙමින් පවතින නගරයක් ලෙස එහි හැකියාව ඉස්මතු කරයි.
ඒ අනුව කොළඹ, මෙම කාණ්ඩයට සම්බන්ධ කරච්චි, ඩකා සහ හෝ චි මිං නගරය වැනි නැගී එන නගර අතර වේ.
ගෝලීය ශ්රේණිගත කිරීම්වල පහත වැටීමක් තිබියදීත්, කැපීපෙනෙන පහසුකම් ප්රමාණයක් ලබාදෙමින් දකුණු ආසියාවේ ප්රමුඛ ගමනාන්තයක් ලෙස කොළඹ සිය ස්ථානය තවදුරටත් ශක්තිමත් කරමින් සිටින බව Brand Finance ප්රකාශ කරයි.
