කොළඹ: අග්රාමාත්ය ආචාර්ය හරිනි අමරසූරිය මැතිනිය සිය නිල චීන සංචාරය සාර්ථකව නිමා කරමින් අද (ඔක්තෝබර් 15) අලුයම කටුනායක ජාත්යන්තර ගුවන්තොටුපොළින් මෙරටට පැමිණ තිබේ.
අග්රාමාත්යවරිය පසුගිය 11 වනදා රාත්රියේ දිවයිනෙන් පිටත්ව ගියේ චීනයේ බීජිං හි පැවැති “කාන්තාවන් පිළිබඳ ගෝලීය නායකයින්ගේ සමුළුව 2025” සඳහා සහභාගී වීම සඳහාය.
මෙම සංචාරය අතරතුර, මහජන චීන සමූහාණ්ඩුවේ ජනාධිපති ෂී ජින් පිං සහ රාජ්ය කවුන්සිලයේ අග්රාමාත්ය ලී චියැං මහතා සමඟ ද්විපාර්ශ්වික සාකච්ඡා කිහිපයකට ද ඇය සහභාගී විය.
ඒ අනුව, අග්රාමාත්යවරිය අද අලුයම 4.45ට චීනයේ ග්වැන්ෂෝ නුවර සිට ශ්රීලන්කන් ගුවන්සේවයට අයත් UL – 881 දරණ ගුවන් යානයෙන් මෙරටට පැමිණියාය.
