සියලුම මත්පැන් බලපත්ර ගාස්තු ඊයේ (දෙසැම්බර් 12) දිනයේ සිට වහාම ක්රියාත්මක වන පරිදි ඉහළ දැමීමට පියවර ගෙන තිබෙනවා.
ජනාධිපති අනුර කුමාර දිසානායක විසින් පසුගිය දෙසැම්බර් 05 වැනිදා පාර්ලිමේන්තුවට ඉදිරිපත් කළ යෝජනාවට අනුව මෙසේ බලපත්ර ගාස්තු ඉහළ දැමීම සිදුකර ඇති අතර, ඊට අදාළ ගැසට් නිවේදනය ජනාධිපතිවරයාගේ අත්සනින් යුතුව මේ වන විට නිකුත් කර ඇති බවයි දැක්වෙන්නේ.
ඒ අනුව වාර්ෂික සුරාබදු ගාස්තුව, කර්මාන්ත ගාස්තුව සඳහා එක්වරක් අයකරනු ලබන ගාස්තුව සහ ආරක්ෂිත ඇප තැන්පතු මුදල ඉහළ දමා ඇති බව සුරාබදු දෙපාර්තමේන්තුව සඳහන් කරනවා. කෙසේ වෙතත්, ලබන ජනවාරි පළමුවැනිදා සිට එම සංශෝධන අනුව ගෙවීම් සිදු කළ යුතු බවයි සුරාබදු දෙපාර්තමේන්තුව වැඩිදුරටත් පැවසුවේ.
