විදුලි ගාස්තු සංශෝධනය සම්බන්ධයෙන් මහජන උපයෝගීතා කොමිසමේ (PUCSL) අවසන් තීරණය මේ මස 14 වන අඟහරුවාදා ප්රකාශයට පත් කිරීමට නියමිත බව කොමිසම පවසයි.
ලංකා විදුලිබල මණ්ඩලය (CEB) විසින් විදුලි ගාස්තුව සියයට 6.8කින් ඉහළ නැංවීමට යෝජනා කර තිබේ.
මේ අතර, ප්රතිව්යූහගතකරණ වැඩපිළිවෙල නිවැරදි ආකාරයෙන් සිදු කිරීමට බලධාරීන් අපොහොසත් වීම හේතුවෙන් ගාස්තු ඉහළ නැංවීම අනිවාර්යයෙන්ම සිදුකළ යුතු බව ලංකා විදුලිබල මණ්ඩලයේ තාක්ෂණික ඉංජිනේරු හා අධිකාරි සංගමයේ උප සභාපති නන්දන උදයකුමාර මහතා පෙන්වා දෙයි.
කෙසේ වෙතත්, විදුලිය පාවිච්චි කරන්නන්ගේ සංගමයේ සභාපති එම්. ඩී. ආර් අතුල මහතා සඳහන් කළේ, විදුලිබල මණ්ඩලය කොටස් කිරීම මගින් දැනට රුපියල් ලක්ෂ 15ක්ව පවතින අධ්යක්ෂ මණ්ඩල ගාස්තුව රුපියල් කෝටියකට ආසන්න ප්රමාණයක් දක්වා ඉහළ යන බවයි.
ගාස්තු සංශෝධනය පිළිබඳ අවසන් තීරණය මේ මස 14 වනදා ප්රකාශයට පත් කිරීමට නියමිත බව මහජන උපයෝගීතා කොමිසමේ අධ්යක්ෂ ජයනාත් හේරත් මහතා පැවසීය.
