කිසිදු අධිකරණ අවසරයකින් තොරව නීතිඥවරයෙකුගේ නිවසකට පොලීසිය විසින් ඇතුළු වී සෝදිසි කිරීමක් සිදු කළ බවට චෝදනා කරමින් යාපනයේ නීතිඥයින් අද (ඔක්තෝබර් 07) දින වැඩ වර්ජනයක නිරත විය.
නීතිඥවරුන් චෝදනා කරන්නේ, පොලිස් නිලධාරීන් විසින් අධිකරණයෙන් පූර්ව අනුමැතියක් හෝ වරෙන්තුවක් ලබා ගැනීමෙන් තොරව අදාළ නීතිඥවරයාගේ නිවසට නීති විරෝධී ලෙස ඇතුළු වී සෝදිසි මෙහෙයුමක් සිදු කර ඇති බවයි.
මෙම සිදුවීම වාර්තා වන්නේ යාපනයේ ඉඩම් ඔප්පු වංචා සම්බන්ධයෙන් නීතිඥයින් කිහිප දෙනෙකුට එරෙහිව පොලීසිය විසින් සිදු කරනු ලබන විමර්ශන මධ්යයේය. ඉඩම් වංචාවකට සම්බන්ධ බවට චෝදනා එල්ල වන එක් නීතිඥවරයකු අත්අඩංගුවට ගැනීමේ අරමුණින් පොලිස් නිලධාරීන් මෙලෙස නිවසට ඇතුළු වී සෝදිසි කර තිබේ.
පොලීසියේ මෙම ක්රියාව හෙළා දකිමින්, විරෝධතාවයේ නියැලුණු නීතිඥවරුන් විසින් අධිකරණ ඉදිරිපිට විරෝධතා පැවැත්වූ බව වාර්තා වේ.
