විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා අද (07) උදෑසන 6.45ට පමණ ජිනීවා බලා පිටත් වී ඇත. ඒ, හෙට (08) දිනයේ ආරම්භ වන එක්සත් ජාතීන්ගේ මානව හිමිකම් සමුළුවේ 6 වන සැසියට ශ්රී ලංකාව නියෝජනය කරමින් සහභාගි වීම සඳහාය.
මෙම සැසියේදී අමාත්යවරයා ශ්රී ලංකා රජය වෙනුවෙන් විශේෂ ප්රකාශයක් සිදුකිරීමට නියමිත අතර, සංචාරය අතරතුර ඉහළ පෙළේ රාජතාන්ත්රිකයින් සමඟ ද්විපාර්ශවික සාකච්ඡා කිහිපයක්ද පැවැත්වීමට සැලසුම් කර තිබේ. එමඟින් එක්සත් ජාතීන්ගේ මානව හිමිකම් පිළිබඳ මහ කොමසාරිස් Volker Turk සමඟ විශේෂ හමුවක්ද පැවැත්වීමට නියමිතය. Volker Turk මහතාගේ ශ්රී ලංකා සංචාරයෙන් පසු, සහ ජාතික ජන බලවේග රජය බලයට පත්වී වසරකින් පසුව පැවැත්වෙන මෙම සැසිය තුළ, ශ්රී ලංකාව විසින් මානව හිමිකම් ආරක්ෂාව සම්බන්ධයෙන් ගත් ක්රියාමාර්ග, දැක්වූ ප්රගතිය සහ ඉදිරි සැලසුම් ඉදිරිපත් කිරීමට හැකිවනු ඇත.
මෙම සංචාරයට අමාත්ය විජිත හේරත් මහතාට අමතරව, විදේශ කටයුතු අමාත්යාංශයේ එක්සත් ජාතීන්ගේ සංවිධානය සහ මානව හිමිකම් අංශයේ අධ්යක්ෂ ජනරාල් දයානි මෙන්ඩිස් මහත්මිය ද එක්ව සිටියි.
