ඇමෙරිකන් ජනාධිපතිවරණයට ඩිමොක්රටික් පක්ෂයෙන් ඉදිරිපත් වන වත්මන් කමලා හැරිස් මහත්මිය වන අතර ඇයගේ දෙවැනියා එසේත් නැතිනම් උප ජනාධිපති ධුරය සඳහා ටිම් වොල්ස් මහතා තෝරා ගෙන ඇති බව විදෙස් මාධ්ය වාර්තා කෙරේ.
ඒ, පෙන්සිල්වේනියා ජනපදයේ පිලිඩෙල්පියා ප්රාන්තයේ පැවැති ඩිමොක්රටික් පක්ෂ රැළියේදීය.
වයස අවුරුදු 60 ක් වන ටිම් වොල්ස් මහතා , මිනසෝටා ප්රාන්තයේ ආණ්ඩුකාරවරයා වන අතර ලිබරල් දේශපාලන මතධාරියකු වන වොල්ස්, පාපන්දු පුහුණුකරුවකු ලෙස ද කටයුතු කර තිබේ.
ඔහු මිනසෝටා ආණ්ඩුකාරවරයා ලෙස 2019 වසරේ සිට කටයුතු කරන අතර නොවැම්බර් 5 වැනිදා පැවැත්වෙන ඇමෙරිකන් ජනාධිපතිවරණයට ඉදිරිපත් වන කමලා හැරිස් මහත්මිය වර්තමානයේ ඇමෙරිකාවේ උප ජනාධිපතිනියයි.
ඇය ජනාධිපතිවරණයෙන් ජයග්රහණය කරමින් ජනාධිපති ධුරයට පත්වුවහොත්, ඇය ඇගේ දෙවැනියා ලෙස තෝරා ගත් ටිම් වොල්ස් මහතාට උප ජනපති ධුරය හිමිවන අතර කමලා හැරිස් මැහත්මිය ඇමෙරිකාවේ ජනාධිපති ධුරයට පත්වුවහොත් එම ධුරයට පත්වන පළමු කාන්තාව මෙන්ම පළමු කළු ජාතික සහ ඉන්දීය සම්භවයක් ඇති තැනැත්තිය වන්නේද ඇයයි.
