ජනාධිපති අනුර කුමාර දිසානායක සහ ප්රවාහන, මහාමාර්ග, වරාය හා සිවිල් ගුවන් සේවා අමාත්යාංශයේ හා නාගරික සංවර්ධන, ඉදිකිරීම් හා නිවාස අමාත්යාංශයේ නිලධාරීන් අතර සාකච්ඡාවක් ජනාධිපති ලේකම් කාර්යාලයේදී ඊයේ (28) පැවැත්වුණා.
නුවර – කොළඹ අධිවේගී මාර්ගයේ මීරිගම – කඩවත කොටසේ ඉදිකිරීම් කඩිනමින් ආරම්භ කරන ලෙසයි ජනාධිපතිවරයා මෙහිදී උපදෙස් ලබා දී තිබෙන්නේ.
එසේම කොළඹ වරාය පිවිසුම් අධිවේගී ගුවන් මාර්ග ව්යාපෘතියේ ප්රතිලාභ කඩිනමින් ජාතික ආර්ථිකයට එක් කර ගැනිම පිළිබඳව ද මෙහිදී සාකච්ඡා කළ අතර, ඒ ආශ්රිතව මතුව ඇති ගැටලු සඳහා ලබාදිය හැකි කෙටිකාලීන හා දිගුකාලීන විසඳුම් ඇතුළත් යෝජනා පිළිබඳව ද සාකච්ඡා වූ බව ජනාධිපති මාධ්ය ඒ්කකය සඳහන් කරනවා.
කොළඹ නගරයේ මාර්ග තදබදය අඩු කිරීම සඳහා දුම්රිය පද්ධතිය වැඩිදියුණු කිරීම, බස් රථ හා මාර්ගස්ථ සේවා ප්රමිතිගතකරණය කිරීමට අදාළ නියමු ව්යාපෘතිය කොළඹ දිස්ත්රික්කය මූලික කර ගනිමින් ආරම්භ කිරීම සහ කොළඹ, නුවර, කුරුණෑගල, මොරටුව යන නගර බහුවිධ ප්රවාහන මධ්යස්ථාන ලෙස සංවර්ධනය කිරීම යන කාරණා පිළිබඳවද මෙහිදී සාකච්ඡා කළ බවයි වැඩිදුරටත් සඳහන් වන්නේ.
අදාළ නිවේදනය පහතින්.
