මෙරට තෙල් හිඟයක් පවතින බවට පැතිර යන අසත්ය ප්රවෘත්තිවලට නොරැවටෙන ලෙස බලශක්ති අමාත්යාංශය මහජනතාවගෙන් ඉල්ලා සිටිනවා.
නිවේදනයක් නිකුත් කරමින් අමාත්යාංශය කියා සිටියේ, මැද පෙරදිග යුද වාතාවරණය හේතුවෙන් මෙරට ඛනිජ තෙල් හිඟයක් ඇතිවිය හැකි බවට අසත්ය හා නොමඟ යවන සුළු පුවත් සමාජ මාධ්ය ඔස්සේ සංසරණය වන බව නිරීක්ෂණය වී ඇති බවයි.
ලංකා ඛනිජ තෙල් සංස්ථාව සතුව ඉදිරි මාස දෙකකට අවශ්ය තෙල් තොග මේ වන විටත් පවතින බවත්, ඉදිරියට ඇනවුම් කරන ලද තෙල් තොග කිසිදු ගැටලුවකින් තොරව ලබා ගැනීමට අවශ්ය කටයුතු සැලසුම් කර ඇති බවත් අමාත්යාංශය වැඩිදුරටත් සඳහන් කළා. එබැවින්, අසත්ය ප්රචාරවලට නොරැවටී සිටින ලෙස ඔවුන් ජනතාවගෙන් ඉල්ලා සිටිනවා.
