ඉන්දීය විදේශ කටයුතු ඇමති ආචාර්ය සුබ්රමනියම් ජයිශංකර් එක් දින නිල සංචාරයක් සඳහා අද (4) උදෑසන දිවයිනට පැමිණියේ ය.
ඔහු සමග එරට විදේශ කටයුතු අමාත්යාංශයේ උසස් නිලධාරීන් අට දෙනෙකු ද දූත පිරිස ලෙස පැමිණ තිබිණි.
ඔවුන් ඉන්දියාවේ නවදිල්ලි නුවර සිට ඉන්දීය ගුවන් හමුදාවට අයත් අයි.එෆ්.සී. – 34 දරන විශේෂ ගුවන් යානයෙන් අද උදෑසන 10:15ට කටුනායක ගුවන් තොටුපොළ වෙත පැමිණියහ.
මෙම පිරිස පිළිගැනීම සඳහා ශ්රී ලංකාවේ ඉන්දීය මහ කොමසාරිස් සන්තෝෂ් ජා ඇතුළු ඉන්දීය මහ කොමසාරිස් කාර්යාලයේ නිලධාරීන් පිරිසක් සහ ශ්රී ලංකා විදේශ කටයුතු අමාත්යාංශයේ නිලධාරීන් පිරිසක් ද පැමිණ සිටියහ.
ඉන්දීය විදේශ කටයුතු අමාත්යවරයා ඇතුළු පිරිස සිය එක් දින නිල සංචාරය නිමා කර හෙට ( 5) සවස 06:00ට පමණ කටුනායක ගුවන් තොටුපොළෙන් ඔවුන් පැමිණි ගුවන් යානයෙන් ම ආපසු ඉන්දියාවේ නවදිල්ලි නුවර බලා පිටත්ව යාමට නියමිත ය .
