හිටපු ජනාධිපති මහින්ද රාජපක්ෂ මහතා මෑතකදී කොළඹ විජේරාමයේ පිහිටි සිය නිල නිවසින් නික්ම ගියේය. ඒ සැප්තැම්බර් 11 වැනිදා වන අතර, මෙම තීරණයට හේතු වූයේ “ජනාධිපතිවරුන්ගේ හිමිකම් ඉවත් කිරීමේ” පනත ක්රියාත්මක වීමයි. මෙම පනත යටතේ හිටපු ජනාධිපතිවරුන්ට ලබා දී තිබූ නිල නිවාස යළි රජයට භාර දීමට සිදුවීම නිසා, රාජපක්ෂ මහතාට ද විජේරාම නිල නිවස භාවිත කිරීමේ වරප්රසාදය අහිමි විය.
ඒ අනුව, එතුමා සිය උපන් ගම වන හම්බන්තොට, තංගල්ලේ පිහිටි කාල්ටන් නිවස වෙත පැමිණි අතර, එතැන් පටන් දේශපාලන ක්ෂේත්රයේ ප්රමුඛයන් මෙන්ම සාමාන්ය ජනතාව විශාල වශයෙන් ඔහුගේ සුවදුක් විමසීම සඳහා කාල්ටන් නිවසට පැමිණෙමින් සිටිති.
මෙලෙස සුවදුක් බැලීමට පැමිණි අය අතර හිටපු අමාත්ය මහින්ද අමරවීර මහතා ද විය. එතුමා ද පසුගියදා තංගල්ලේ කාල්ටන් නිවසට ගොස් රාජපක්ෂ මහතාගේ සුවදුක් විමසා තිබේ.
