මෙරට සංචාරක කර්මාන්තයේ උන්නතිය උදෙසා ජනාධිපති කාර්යය සාධක බලකායක් ස්ථාපිත කරමින් අති විශේෂ ගැසට් නිවේදනයක් නිකුත් කර ඇත.
එම නිවේදනයේ දැක්වෙන්නේ ජනාධිපති වෙත පැවරී ඇති බලතල ප්රකාරව මෙම කාර්යය සාධක බලකාය ස්ථාපිත කර ඇති බවයි.
සාමාජිකයින් 28 දෙනෙකුගෙන් යුත් එම කමිටුවේ සභාපතීත්වය දරන්නේ විදේශ කටයුතු, විදේශ රැකියා හා සංචාරක අමාත්ය විජිත හේරත් ය.
මෙම කාර්යය සාධක බලකාය සංචාරක නියෝජ්ය අමාත්යවරයා, ජනාධිපති ලේකම්වරයා ඇතුළු අමාත්යාංශ රැසක ලේකම්වරු, සංචාරක සංවර්ධන අධිකාරියේ සභාපතිවරයා ඇතුළු සංචාරක ක්ෂේත්රයට අදාළ ආයතනවල ප්රධානීන්ගෙන් සමන්විත වෙයි.
ප්රතිපත්ති විශ්ලේෂණය, උපාය මාර්ගික සැලසුම් සකස් කිරීම සහ නියාමනය, අභියෝග හඳුනාගැනීම සහ විසඳුම් යෝජනා කිරීම, අධීක්ෂණය සහ ඇගයීම,සංචාරක කර්මාන්තයයේ ව්යාප්තිය, ආකර්ෂණීය ගමනාන්ත සදහා පහසුකම් පුළුල් කිරීම, තිරසාර සංචාරක සංවර්ධනය සහ සංචාරක ප්රවර්ධනය අලෙවිකරණය සහ සන්නාමකරණය යන කාර්යයන් මෙමඟින් සිදු කිරීමට අපේක්ෂිතය.
එසේම එම කාර්යයන්, කාර්යය සාධක බලකාය විසින් වසර දෙකක කාලයක් තුළ දී ඉටුකර ඊට අදාළ වාර්තාව ජනාධිපතිවරයා වෙත ඉදිරිපත් කළ යුතු බවය නිවේදනයේ සඳහන්ය.
