පාතාලය සමඟ සම්බන්ධතා පවත්වන දේශපාලඥයන්ගේ ලැයිස්තුවක් ඉදිරියේදී පාර්ලිමේන්තුවට ඉදිරිපත් කරන බව මහජන ආරක්ෂක අමාත්ය ආනන්ද විජයපාල මහතා අද (23) පාර්ලිමේන්තුව අමතමින් ප්රකාශ කළේය.
ඒ සම්බන්ධයෙන් තවදුරටත් විමර්ශනය කර අවසන් වූ පසු එම ලැයිස්තුව ප්රසිද්ධ කරන බවද අමාත්යවරයා සඳහන් කළේය.
මත්ද්රව්ය තුරන් කිරීම සඳහා තම රජය කොතරම් අවලාද අපහාස එල්ල වුවද කටයුතු කරන බව අවධාරණය කළ ඒ මහතා, රට පුරා ප්රබල වසංගතයක් ලෙස මත්ද්රව්ය ව්යාප්ත වෙමින් පවතින බවත්, පොලිසියේ, හමුදාවේ මෙන්ම විශ්වවිද්යාලවලද මත්ද්රව්ය භාවිතා කරන්නන් සිටින බවත් පෙන්වා දුන්නේය.
තවද, පැවති ආණ්ඩු කාලයකදී හමුදා කඳවුරකින් ආයුධ හැත්තෑ අටක් පාතාලයට ලබා දී ඇති බව පැවසූ අමාත්යවරයා, අද වන විට මෙරට දේශපාලනය තවදුරටත් පාතාලයට සම්බන්ධ නොවන බවටද විශ්වාසය පළ කළේය.
