කතානයක මහින්ද යාපා අබේවර්ධන සිය ධූරයෙන් සමුගැනීමේ සාදයක් ලබන 9 වන දා පාර්ලිමේන්තුවේ පැවැත්වීමට නියමිත බව පාර්ලිමේන්තුවේ විශ්වසනීය ආරංචි මාර්ග සඳහන් කරයි.
ඒ සඳහා විශේෂ පීඨිකාවක් කාර්ය මණ්ඩල භෝජනාගාරයේ මේ දිනවල සකස් කරමින් තිබෙන අතර එදින උදෑසන පාර්ලිමේන්තු කාර්ය මණ්ඩල පොදු රැස්වීමක් පවත්වා දිවා භෝජන සංග්රහයක් ද පාර්ලිමේන්තුවේ දෙපාර්තමේන්තු ප්රධානීන්ට (30 දෙනෙකුට) පාර්ලිමේන්තුවේ සිව්වන මහලේ පිහිටි සී.පී.ඒ. සම්මන්ත්රණ ශාලාවේ පැවැත්වීමට සූදානම් බව ද වාර්තා වේ.
ඊට අමතරව, වෙනත් නිලධාරීන්ට සාදය පැවැත්වෙන දින මන්ත්රි අමුත්තන්ගේ භෝජන ශාලාවේ තවත් 35 දෙනෙකුට භෝජන සංග්රහයක් පැවැත්වීමට සූදානම් අතර සියලු වියදම් පාර්ලිමේන්තු වැය ශීර්ෂයෙන් වියදම් වන බව ද පාර්ලිමේන්තු ආරංචි මාර්ගවලින් අනාවරණය වේ.
පාර්ලිමේන්තුවේ දෙපාර්තමේන්තු ප්රධානීන්ගේ යෝජනාවක් ලෙස මෙය සිදු කිරීමට නියමිත අතර මීට පෙර කිසිම කතානායකවරයකු මෙවැනි උත්සවයක් පවත්වා නැති බව ත් උත්සව අවස්ථාවන් සරලව පැවැත්වීම මගින් ජනාධිපතිවරයාදී ඇති ආදර්ශයට පිටුපා මෙලෙස භෝජන සංග්රහ පැවැත්වීමට මහජන මුදල් නාස්ති කිරීම පිළිබඳව පාර්ලිමේන්තු කාර්ය මණ්ඩලය නොසතුටට පළකර ඇති බව ත් වැඩිදුරට ත් වාර්තා වේ
