රන් ආලේපිත ටී 56 වර්ගයේ ගිනිඅවියේ හිමිකාරීත්වය සම්බන්ධයෙන් රක්ෂිත බන්ධනාගාර ගත කර සිටි හිටපු අමාත්ය දුමින්ද දිසානායක මහතා දැඩි කොන්දේසි මත ඇප මත මුදාහැරීමට කොළඹ ප්රධාන මහාධිකරණය අද (ජූලි 14) නියෝග කර තිබේ.
දිසානායක මහතා පසුගිය මැයි මස 23 වන දා හැව්ලොක් සිටි සුපිරි නිවාස සංකීර්ණයෙන් සොයා ගත් අදාළ ගිනිඅවිය සම්බන්ධයෙන් සිදුකරන විමර්ශනවලට අදාළව අත්අඩංගුවට ගනු ලැබීය.
අද දින අධිකරණයට ඉදිරිපත් කිරීමෙන් අනතුරුව, කොළඹ ප්රධාන මහාධිකරණ විනිසුරු මංජුල තිලකරත්න මහතා විසින් රුපියල් 250,000ක මුදල් ඇපයක් සහ රුපියල් ලක්ෂ 50 බැගින් වූ ශරීර ඇප දෙකක් මත ඔහුව මුදාහැරීමට නියෝග කරන ලදී.
