කිසිදු ආකාරයකින් රට තුළ නැවත ජාතිවාදයට හිස එසවීමට ඉඩ ලබානොදෙන බව ආණ්ඩු පක්ෂයේ ප්රධාන සංවිධායක නලින්ද ජයතිස්ස අවධාරණය කළේය.
“ජාතිවාදයට නම් කිසිසේත්ම ඔලුව උස්සන්න ඉඩදෙන්නේ නෑ. ඒකට මේ තියෙන පනත් ප්රමාණවත් නැත්නම් අලුත් පනත් ගෙනල්ලා හරි නතර කරන්න අපි කටයුතු කරනවා. මේ ජාතිවාදී ප්රකාශවල එල්ලෙන්නේ කවුද? මම එක්කෙනෙක් කියන්නම්. පොදුජන පෙරමුණේ පාලක ලේකම්වරයා. ගිහින් බලන්න එයාගේ ෆේස්බුක් එකට. වීඩියෝ දාලා තියෙනවා කොටි ලාංඡන ප්රවර්ධනය කරන හැටියට. එක්කෙනෙක් කෝට්ටේ යූඑන්පී එකේ නාගරික මන්ත්රිතුමිය. මම හිතන්නේ අද ලංකාවේ නෑ. එයාගේ ෆේස්බුක් එකට ටික්ටොක් එකට ගිහින් බලන්න. ඒගොල්ලෝ තමයි දැනුවත්ව මේ වැඩේ කරමින් ඉන්නේ….”
ජාතිවාදය ව්යාප්ත කරන හෝ ත්රස්තවාදය ප්රවර්ධනය කරන පිරිස් සම්බන්ධයෙන් පොලිසිය විමර්ශනය කර අවශ්ය නීති පදනම් කරගනිමින් කටයුතු කරනු ඇති බවද ඇමැතිවරයා සඳහන් කළේය.
දේශපාලන අරමුණු වෙනුවෙන් ජාතිවාදය භාවිත නොකරන ලෙසද ඇමතිවරයා ඉල්ලා සිටියේය.
එවැනි උත්සාහයන්ට කිසිසේත්ම ඉඩ ලබාදිය නොහැකි බවද හෙතෙම අවධාරණය කළේය.
