දිවයිනේ ප්රදේශ කිහිපයකට ප්රබල අකුණු ඇතිවීමේ හැකියාවක් පවතින බව කාලගුණවිද්යා දෙපාර්තමේන්තුව අද (12) දහවල් නිවේදනය කළේය. මෙම අවවාදාත්මක නිවේදනය අද රාත්රී 11.00 දක්වා වලංගු වන බව එම දෙපාර්තමේන්තුව වැඩිදුරටත් සඳහන් කරයි.
අවදානම් සහිත ප්රදේශ
කාලගුණවිද්යා දෙපාර්තමේන්තුව පෙන්වා දෙන්නේ පහත සඳහන් පළාත් සහ දිස්ත්රික්කවල ඇතැම් ප්රදේශවල ගිගුරුම් සහිත වැසි සමඟ ප්රබල අකුණු ඇතිවීමේ වැඩි සම්භාවිතාවක් පවතින බවයි:
බස්නාහිර පළාත
වයඹ පළාත
සබරගමුව පළාත
ගාල්ල සහ මාතර දිස්ත්රික්ක
ජනතාවට අනතුරු ඇඟවීම්
ගිගුරුම් සහිත වැසි ඇති වන අවස්ථාවලදී එම ප්රදේශවල තාවකාලිකව තද සුළං ද ඇති විය හැකි බව කාලගුණ අංශ පවසයි. මේ හේතුවෙන් අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් කාරුණිකව ඉල්ලා සිටී.
