සිම්බාබ්වේ සහ නැමීබියාවේ සම සත්කාරකත්වය යටතේ පැවැත්වෙන වයස අවුරුදු 19න් පහළ එක්දින ලෝක කුසලාන ක්රිකට් තරගාවලියේ ශ්රී ලංකාව සහභාගී වන මංගල තරගය අද (17) ජපානයට එරෙහිව පැවැත්වීමට නියමිතය.
‘A’ කාණ්ඩය යටතේ තරග වදින ශ්රී ලංකා යොවුන් කණ්ඩායම සහ ජපානය අතර මෙම තරගය නැමීබියාවේ වින්ඩ්හෝක්හිදී මෙරට වේලාවෙන් පස්වරු 1.00 ට ආරම්භ වේ.
කණ්ඩායම් 16ක සහභාගීත්වයෙන් ඊයේ (16) ආරම්භ වූ මෙම තරගාවලියේ පළමු දිනයේ පැවති තරගවලදී ප්රබල දකුණු අප්රිකානු කණ්ඩායම ඇෆ්ගනිස්ථානය හමුවේ පරාජයට පත්වීම කැපී පෙනෙන සිදුවීමක් වූ අතර, එංගලන්තය, ඔස්ට්රේලියාව සහ බටහිර ඉන්දීය කොදෙව් කණ්ඩායම්ද සිය පළමු තරග ජයග්රහණය කිරීමට සමත් විය.
