ලෝක සාමය සහ මානව අයිතීන් වෙනුවෙන් සිය ජීවිතය කැප කළ ටිබෙට් දේශයේ අධ්යාත්මික නායක දලයිලාමා ජාත්යන්තර රන් සම්මානයකින් පිදුම් ලැබූ බව විදෙස් මාධ්ය වාර්තා කරයි. ලෝක ප්රකට රාජ්ය නොවන සංවිධානයක් වන රන් සම්මාන සංවිධානය විසින් මේ වසරට නියමිත එම සම්මානය පසුගියදා හිමචාල් ප්රදේශ් ප්රාන්තයේ පිහිටි ධරම්සාලා හි පිහිටි දලයිලාමා ආශ්රමයේදී පිරිනැමු බව විදෙස් මාධ්ය වැඩිදුරටත් වාර්තා කරයි. එම සංවිධානයේ ලේකම් නිකොලස් ඩි සැන්ටිස් විසින් එම සම්මානය පිරිනැමූ අතර, සාමය සඳහා ලෝකය දිරිගැන්වීමේ මානව හිතවාදී සේවයක් ඉටු කරමින් සිටින දලයිලාමා අවිහිංසාවාදය සහ මානව ගරුවත්වය උදෙසා ප්රචණ්ත්වයෙන් තොර සටනක නිරතව සිටින බවත්, එතුමාගේ ඉගැන්වීම් තුළින් ලොවට සාමය උදා කරගැනීමට ලෝක ජනතාව අවධානය යොමු කළ යුතු බවත් ප්රකාශ කර තිබේ.
වසර 1959 දී ටිබෙට් දේශයෙන් පිටවී ඉන්දියාව සිය වාසස්ථානය කරගත් දලයිලාමා සිය භූමියේ ස්වයං පාලනයක් උදෙසා දශක ගණනාවක සිට නිහඬ අරගලයක නිරතව සිටින අතර, මේ වසරේදී සිය 90 වැනි ජන්මෝත්සවය සැමරීමට නියමිත බව ද වාර්තා වේ.
