ශ්රී ලංකාව තුළ මේ දිනවල වෛරස් රෝග ව්යාප්ත වීමේ කැපී පෙනෙන වැඩිවීමක් දක්නට ලැබෙන බව ශ්රී ජයවර්ධනපුර රෝහලේ කායික රෝග විශේෂඥ වෛද්ය කේ.වී.සී. ජානක මහතා අනතුරු අඟවයි.
විශේෂඥ වෛද්යවරයා පෙන්වා දෙන්නේ ප්රධාන වශයෙන් ඉන්ෆ්ලුවන්සා A (Influenza A) සහ ඉන්ෆ්ලුවන්සා B (Influenza B) වෛරස් කාණ්ඩ දෙකෙහිම ව්යාප්තියක් හඳුනාගෙන ඇති බවයි. මීට අමතරව, ඉන්ෆ්ලුවන්සා නොවන වෙනත් වෛරස් රෝග ද ජනතාව අතර සීග්රයෙන් පැතිර යමින් පවතින බව ඔහු සඳහන් කළේය.
මෙහි ඇති වඩාත් අවදානම් සහගත තත්ත්වය වන්නේ කොළඹ දිස්ත්රික්කය තුළ චිකුන්ගුන්යා (Chikungunya) රෝගීන් වාර්තා වීම ද සැලකිය යුතු ලෙස ඉහළ ගොස් තිබීමයි. මදුරුවන් මගින් බෝවන මෙම රෝගය පිළිබඳව ජනතාව වැඩි අවධානයක් යොමු කළ යුතු බව වෛද්යවරයා වැඩිදුරටත් අවධාරණය කළේය.
මේ හේතුවෙන් උණ, කැස්ස හෝ සන්ධි වේදනා වැනි රෝග ලක්ෂණ පවතී නම්, වහාම වෛද්ය උපදෙස් ලබා ගන්නා ලෙසත් රෝග ව්යාප්තිය පාලනය කිරීමට අවශ්ය පියවර ගන්නා ලෙසත් සෞඛ්ය අංශ මහජනතාවගෙන් ඉල්ලා සිටී.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
