‘ගනේමුල්ල සංජීව’ ඝාතනය සම්බන්ධයෙන් සැකපිට නේපාලයේදී අත්අඩංගුවට ගත් ඉෂාරා සෙව්වන්දිට නවාතැන් ලබා දුන් මතුගම වැලිපැන්න ප්රදේශයේ නිවසේ හිමිකාරිය කොළඹ මහේස්ත්රාත් අධිකරණය විසින් රක්ෂිත බන්ධනාගාරගත කර තිබේ.
ඒ අනුව, 52 හැවිරිදි වන අදාළ සැකකාරිය එළැඹෙන ඔක්තෝබර් මස 24 වැනි දින දක්වා රක්ෂිත බන්ධනාගාරගත කිරීමට අධිකරණය අද (19) නියෝග කළේය.
මෙම කාන්තාව පොලීසිය විසින් අත්අඩංගුවට ගැනීමෙන් පසුව, කොළඹ අපරාධ කොට්ඨාසය මඟින් අධිකරණ වෛද්ය නිලධාරීවරයා හමුවට ඉදිරිපත් කිරීමෙන් අනතුරුව කොළඹ මහේස්ත්රාත් අධිකරණයට ඉදිරිපත් කරනු ලැබීය.
